Aletxa herri tikiaren olerki topaketa -45 bizilagun eta 2 kale aldapan- oso berezia eta bakarra da, eta aipamen bat merezi du. Agorril guztietan Aletxako bizilagunek egun oso bat emaiten dute erkidegoan poesia errezitatzen; “horrela, gure arteko harremana sustatzen dugu” dio Loli Garcíak, Javier Duquerekin batera topaketa antolatzen duenak.
Arabako Mendialde osoko argazki, margolaritza, eskultura eta ilustrazioko erakusketa artistiko bat ere egiten da. “Orain arte, 17 olerkari eta 12 antzelari agerrarazi ditugu”, dio. Maeztun, Mendialdea Music Festival-en herritarrik gehienek esku hartzen dute. Maiatzaren azkenaldian, egun bakarreko jaialdi horretan, herria musika-bandez betetzen da. Giroa berotsu ziur, soinuz eta doinuz blai, janaria kamioian, kontzertuak eta dj-ak, martxa betean.
