Bide, bidatz, bide-zidor, inda… iragobide eta iragolur da hau. Arabako Mendialdean zehar, Nafarroatik edo Gaztelerritik hainbat ibiltari, abeltzain, salerosle ibili izan da iparralderantz. “Gaizkileen muga” Erdi Aroan, bide-lapur eta ohoinen babesleku izan zen, maiz.

Bide, bidatz, bide-zidor, inda… iragobide eta iragolur da hau. Arabako Mendialdean zehar, Nafarroatik edo Gaztelerritik hainbat ibiltari, abeltzain, salerosle ibili izan da iparralderantz.

Laborea hainbat urtez sorootan haizearekin kulunkan ibili izan da, eta zitua biltzeko herrikoek sega eta igitaia eta trailua erabili izan dute, eultzia bilurrez lotuz, eta zura behar zituzten tresnak edo lanabesak egiteko. Luginak, nekazariak eta ehiztariak ziren, Vasco-navarro trenbidearen aldamenetan.

Antoñana bere harresiekin, Bujandan San Faustoren aztarrenak, Urbisu eta bere ikuztokia, Oteoko errota edo eihera eta Kanpezuko Done Gurutze, hauxek dira herriz eta jendez mosaiko hau osatzen dutenak, betikoa beti aldatzen baina ez galtzen doan udalerria.