Araiako ‘La Unión Obrera’-k herrian eragin handi-handia ukan zuen. Alfredo Ajuria buru zela, kontsumo-kooperatiba sortu zen, ekonomato-denda izaiteaz gain bazkideei sendagile-arreta doakoa eskaitzen ziena. Ordurako asmo edo xede oso berria zen, eta emaztekiek eginkizun txit ekinkorra ukan zuten.
‘La Cope’-ren helburua bazkideen interesei edo zuduei zuzendua zegoen, premiazkoa zuten guztiaz hornitzeko, salneurri ahalik merkeenean. Hori bai: langile edo beharginak irabazten zuena baino gehiago ezin eros zezakeen.
‘El Amacen’, biltegia alegia, esaten zioten tokia, 1904ean Zuzendari Batzak erosi zuen, eraikin berria bertan egitearren.
XXI. mendean ‘La Cope’ oraindik ibili dabil, eta ez dago herritarrik bertan eskurik ez duenik. Urteak joan-etorri dira, gertaerak ere bai, 1968an gertatu zen sute larria adibidez, eta hala ere orduko elkartasun-giro eta borroka-gogo hura hemen da, zutik dirau. Gaur den egunean, supermerkatu batek ditu Araia eta inguruko herriak hornitzen eta zuzkitzen.
