Gehiegi esan bagerik, munduko onena eta aratzena, ez mikroplastikorik ez zurigarririk. Ekoizpena ttipia da, eskuz egina, Japonian, esaterako, balioetsia, mila urtekoa eta aratza delako. Biltzen den uztaren %20 nazioarteko azoketan saltzen da.
Jatetxe handientzat gatz-garrangak, bero sapa dagoenean, gesaltza eroaiten duten ubideetan berez eraikitzen diren estalaktitak, izen handiko txef-ek horrako gatz-harri horiek txalinetan edo erretiluetan karraskatzen dituzte.
Gatz-lorezko ezkatak haragi-arrainetan azken ukitua emaiteko usatzen dituzte. Beste gatz-mota batzuk ere dira salgai: xehea, iturburukoa eta gesala.
Añanako Gatz Haranak urtean 200 tona gatz ekoizten du, gutti goiti-beheti. Ura lurrundu ondorean batzen da, beti egin ohi legez, makinarik erabili bage.
