Herriak behialako eraikinez, izan zuen dirdira islatzen du, eta nabarmenak batzuk: Urrutia jauregia edo Ugarteko dorretxea, egun kulturgunea. Eta ondoan modernitate ondo pentsatua, egungo herritarren bizi-molde erosorakoa.
Amurriok ez du galdu bere berdetasuna kale estuetan. Edozein zoko, bazter, alde, landarez apaindurik, ibil-bide on, Juan Urrutiaren loretegia, guztiz ere, erdi-erdialdean.
Etxeen artean, halaber, indianoen etxe batzuk ere ikusgai, Ameriketara, Indietara alegia, diruaren hotsean joan eta aberats itzuli zirenen herritar burgoiek eraikitako etxe orduan berri egun zaharrak. Jauretxe antzo, tankera bakan, ederrak bezain arranditsuak.
Isusi-tarren sendiarena bat, Campo Menoyo-tarrena beste bat, Villa Margarita, Villa Tobalina, Villa Fe, edo Justo Saratxagaren etxandi zaharra, besteak beste.
Argzkia, Aztarna Elkartea
