Garrastatxu, behin ikusiz gero ahantzi inoiz ez. Gorbeiako Parke Naturalaren barruan, Andere Maria Errukiñeren baseliza bertan nagusi, inguru alde eder-ederrean, ikuspegia ere halakoxea.
Amurriotik hamabost minutura, beribilez, Baranbion, eta handik hara ibilteko bideak nahi beste. Baseliza ondoan larrain zelai bat, aire zabalean mahaiak, jarlekuak, sutokiak… eta asteburu-jaiegunetan taberna zabalik: Garrastatxuko txosna.
Giro ederra, berriz, areago, taberna berexi horren ondoan Eztiaren Jaia edo Garrastatxuko Rock Fest delakoa, edo folk-musikaldiak ospatzen direnean.
Gabonetan edo aurretik eskaturik menuak eskeintzen dira, paellak bereziki. Egun izen handiko bat Ahuntzaren Eguna da, ahuntzen sariketa eta herri-bazkaria eta guzti.
