Erdi Aroko dokumentu honen izenaren jatorria dago Donemiliaga Kukulako monasterioko monjeek zergen ordainketa antolatzeko egin zuten zerrenda batean, han burdinezko golde-muturretan, baina baita abereetan ere, kobratzen zen baitziren zergak.
Arabako herri askoren jatorria eta toponimia ezagutzeko funtsezkoa izan da. Donemiliagako Goldeari esker, bertan zeuden 300 herrixken informazioa dugu, eta gaur egun ia 200etan oraindik bizi da jendea. Dokumentuak Arabako lurraldea osatzen duten nukleo asko aipatzen ditu lehen aldiz, tartean “Gastehiz”, eta zergak Monasteriora nola ordaindu behar zizkioten ere.
Donemiliagako Goldeak –XI. mendean idatzia– Becerro Galicanoaren lau orrialde betetzen ditu, Erdi Aroko testu ugari biltzen dituen kodex bat, eta Errioxako Donemiliaga Kukulako Monasterioko kartularioan dago.
