Santa Maria eliza-gotorlekuak XV-XVI.ekoak, erronda-ibiltoki ikusgarria eta xehetasun bitxiak ditu, hala nola Karlos V.ak koru platereskoan duen armarri inperiala, bere inperioko erresumekin eta familia osoarekin, gurasoak eta guzti, hots, Joana “Zoroa” eta Felipe “Ederra”.
Oraindik garbi-garbi dago eta ikus dezakezu. Tonalitate eta ikonografia zoragarriak enperadorearen omenez, Aguraingo kondeari Durako borroka irabazi baitzion.
Elizako erretaula nagusia Lope de Larrea-rena da, Agurainen jaiotako harrizko eta zurezko eskultore handia berau. Herriko ikastola batek haren izena darama omenaldi gisa.
Aguraingo turismo bulegoak, Erdi Aroko Araba elkartearekin batera, bisita gidatuak antolatzen ditu eliza hau eta San Joan eliza ezagutzeko, estilo gotikoko beste gotorleku bat baita.
