Gorobel mendilerroaren azpian izen oroitarazleak dituzten herri txiki ba-tzuek babesa aurkitzen dute: Aguiñiga, Añes, Erbi, Etxegoien, Lexartzu/Lejarzo, Luxo/Lujo, Madaria, Maroño, Menoio, Salmanton, Soxo/Sojo eta Ozeka.
Haran berdean bildurik, baserriek paisaia zipriztintzen dute, eta behi eta ardi latxek, urte sasoiaren arabera, Burgosko Losa bailara mugakidetik gurutzatzen duen Errege Bide zaharretik gora eta behera egiten dute. Gaur egungo GRa da, mendizaleek ere erabiltzen duten ibilbide luzea.
Paisaia honen mugagabetasunean auzotartasuna ospatzen jarraitzen duten ermitak daude, eta iturri eta garbitoki zaharrak ere ez dira falta, ur freskoa oraindik indarrez irristatzen delarik haietatik. Baserriek beren teilatu-hegal moztuekin zipriztintzen dute paraje eder hau, ia sumatu ere egiten ez direnak, haizeen eta eguraldi txarraren aurka borrokatzeko.