Raquel Villanueva eta Patxi Abad duela 30 urte baino gehiago hasi ziren ogia egiten, gizona langabezian geratu zenean. Hasieran lagunen artean banatzeko labekadaren bat egiten zuten, baina hura hainbeste zabaldu zen, ezen gaur egun den negozio bihurtu baitzen azkenean.
Zuhatzan dagoen La Torre okindegia ezaguna da Aiarako bailara osoan eta Bizkaiko zati handi batean. Bere etxeko ogiak, egur-labe zahar batean egina, betiko adreilu gorrien gainean, lana ematen die dozena erdi pertsonari.
Belaunaldiarteko erreleboa zaila ikusten du Rakelek, haiek egiten dutena «poesia delako»; lan egiteko eta oratzeko modu geldoa, pausatua, garai batean inguruko baserrietan egiten zen bezala. Bost okindegik edo baserrik ere saldu dute betiko ogia Zuhatzan, gaur egun bi baino ez dira, hau eta ondokoa, Zerrabe.
Gauza oso polita eta trukeak bizirik dirauena: «Txerria hiltzen denean, baserritarrek ‘txintxoak’, txintxorra, ekartzen dizkigute, txintxortak egiteko eta soberan duguna saltzeko».
Okindegi La Torre- 945 393487
Okindegi Zerrabe- 659177336
