Bea Isasik 2006tik darama bola-jokoan, Aiarako bolatokietan lau emakume baino ez zeudenean; gaur egun, hamabost izatera heldu dira. Ez dira asko, baina hazten doaz eta sariak gehituz doaz, Isasik 2019an Kexaan irabazi zuen Euskadiko txapelketa bezala, beste garaipen batzuen artean.
Aiarako bola-jokoa bailara honetakoa da, eta ez zen bolatokirik falta eliza edo taberna baten ondoan. Gaur egun geratzen dira bat Kexaan, beste bat Luiaondon, eta jatorriari fidelena dena, Beotegikoa, buztinezkoa izaten jarraitzen duena, iragan oso aktiboa irudikatuz. Lehen hiruzpalau ere baziren Zuhatzan, Lantenon edo Arespaldi-
tzan, Aiarako edozein txokotan.
Gizonek sozializatzeko zuten modua zen, normalean jai egunetan. «Asko kostatu da neskak parte hartzea, baita sariak jasotzea ere, baina dagoeneko ez gaituzte hortik botako», dio Beak.
