Barraskilo-jate handia – ia historikoa -, 1981etik San Bizente plazan egiten dena. Mahasti-aihenez eta pinu-egur pixka batez egindako su baten gainean, 150 kg barraskilo ipini behar dira 1,60 zm-ko diametroa eta 36 zm-ko sakonera duen kazola erraldoi batean. Bi metroko arraunaz pazientziaz irabiatuz, San Prudentzioren goiz osoan zehar prestatzen dira, apirilaren 28an. Gisatuak 1.000 anoa inguru ditu, eta edalontzi bana txakolin, sagardo edo urteko ardoarekin banatzen da.
Herriko hiru koadrilek, jai-taldeek alegia -Mocos, Lagunak eta Egin- barraskiloekin nahasteko burutapena izan zuten duela 30 urte baino gehiago, eta Oiongo “Jai handi” bihurtu dute. Lehen koadrilak landetara ateratzen ziren barraskiloak jaso eta garbitzera, baina gaur egun Udalak haztegietan erosten ditu, garbitu eta.
Gogoz, maitasunez eta pazientziaz egiten da Oiongo barraskilo-jana. Tomasok eta “Biki”-k, sukaldari eskuonetako bik esan digutenez, errefritoa tipularekin, piperrekin, baratxuriekin eta tomatearekin egiten da. 100 kg txiztor, urdaiazpiko eta hirugihar edo xingar gehitzen zaizkie, eta kontuz ibili behar da barraskiloak ez lehortzeko eta saltsa lapikoari ez itsasteko. Gozatzera!
