Zelai berde hauek dira hainbeste eta hain ona den gaztaren jatorria. Aiarak historia luzea du gaztagintzan, batez ere ardi esnearenean, eta ia beti aurkitzen dugu emakume bat gatzagiaren atzean.
Agiñagan Lourdes dago, txapela kentzeko moduko Idiazabal ezagun eta sarituarekin. Menoion egiten ditu bereak Mertxek, eta Izoriakoak ere badaude, noski. Denak ardi esnez egindako gaztak.
Arespalditzan dago nobedadea: Ziortzak eta Enriquek behi esnea erabiltzen duen Arabako gaztandegi bakarra jarri dute martxan, egunero beren zelaietan bazkatu eta beren kortan lo egiten duten behiekin. Ekonomia zirkularreko filosofiarekin, gazta freskoa, gazta urdina eta jogurt naturala ekoizten ditu bikote honek.
Zapore horiek guztiak haraneko denda txikietan aurki daitezke, eta zuzenean, gaztandegietan. Ez galdu!
- Aguiñiga gaztandegia 629 892 434
- Izoria gaztandegia 617 819 051
- Ibarrola gaztandegia 606 665 949
- Isasi gaztandegia 647 030 463
- Soloitza gaztandegia 635 718 475