Igeri-tokiek hemen historia dute. Inguruetako herrietan ez egitasmorik ez inolako asmorik zegoenean igeri-toki bat egiteko, Okondon eraiki ez ezik onenetako bat zelako ere ospe handia hartu zuen.
Hiru toki, zehazki, neurriz eta sakoneraz ezberdinak, adin guztientzat, aldagelak, dutxak, taberna eta inguruan lertxundia, zementozko mahaiekin, udako egun luzeak gozatzeko.
Gerizpetan, hoxpilean egoiteko, igeri egiteko eta txitxiburduntzia edo egiteko leku ezinago egokia, irona. Udako giro lasaian aisialdia emaiteko modu herrikoia zenez, inguruetako herrietarean eta Bilbotik bertatik ere jende ugari etorten zen.
Eraiki aurrez, 70. hamarraldiaren hasieran, ibaia eta zementozko egitura bat besterik ez zegoen, zubiaren azpiko osinean, gaur egun igeri-tokietako sargua den lekuan.
Beste leku bat ere bazegoen igerian aritzeko, Maiorgako urtokia hain zuzen, antzinean presa, Itzalde ibaian egon ziren hainbat olaren azken herexa edo hondarra. Ibai hau, berriz, antzina haietan ur garbikoa zen oso, eta karramarroz betea ere bai.
