Laudion tradizio handia duen hitzordua Dolumin Barikuarena da. Aspaldi aspalditik, egun horretan, haran osoko pertsonak hurbiltzen ziren beren herrietan bertan ez zituzten pribilegio kristauen bila. Gaur eguneko arrazoiak jaiarekin lotuta daude gehienbat, baina erakargarriak berdin berdin.
Dolumin Barikua, askorentzat, Aste Santuko hasiera da. Garizumako azken ostirala da, eta kristau egutegian uko zorrotzena du markatua: «barau eta abstinentzia eguna da, haragien kontsumoa debekatua geratzen delarik». Laudion izan ezik… izan ere, herritarrek diotenez, Urkixoko markesen batek Aita Santuaren aurrean esku hartu zuen bulda bat lortzeko, zeinaren arabera Laudion haragia jan baitzitekeen, nahiz eta Garizumako ostiralik zorrotzena izan.
Hala, 1890ean lehen markes jaunaren testamentu-mandatu gisa ezarritako nekazaritza-abeltzaintza azoka hari prestutasun handiagoa emango zitzaion. Ez dago dokumentuetan jasota okela kontsumitzeko baimen hura, eta, beraz, bertako trikimailu bat besterik ez zela izan uste da. Nolanahi ere, egun horrek udalerriko jai handienetarikoa izaten jarraitu du.
Galdu ezineko beste egun ospetsu batzuk dira San Blas Azoka eta Baserritar eguna, herriko jaien erdian.